فى البدايه قبل ما ابدا واتكلم فى اى كلام او مواضيع كل سنه وانتم طيبين وانا طبعا متاسف جدا للغياب الطويل بس يعنى ظروف
ان شاء الله موضوع النهارده اللى انا ناوى اتكلم فيه انا مش هقدر اتكلم فيه لانه كبير عليا انا بس هذٌكر الناس بيه الموضوع عن الام
انا مش هقول كل واحد ازاى يعامل امه او يرضيها لان لكل واحد طريقته الخاصه بس المهم ينفذ المهمه .
فى البدايه انا مش هقول ان الله سبحانه وتعالى اوصى بالام وان الرسول صلى الله عليه وسلم قال فيما معناه ان الام احق الناس بالصحبه لانه شى اكيد ولو مش كده جرب وشوف حاول تصاب امك واكيد هتحس باحساس جميل .
انا عندى رسالتين واحده للى امه بفضل الله موجوده معاه او على قيد الحياه ربنا يخليها له والتانيه للى ربنا ابتلاه او يختبره بفقد امه
الاولى
اعلم انك معك نعمه لا تقدر مهما تخيلت من الممكن ان تكون حاسس بيها وممكن لا .انا بقولهالك من قلبى عمرك ما هتقدر تلاقى نعمه فى الدنيا تعوضك عن امك من الاخر انت معاك كنز استغله اعمل كل شى يرضيها حاول انك دايما تخليها راضيه عنك اسلها كل فترة لا كل يوم انتى راضيه عنى ولا لا ؟ ولا قدر الله لو قالتلك لا متخزاش انك تقبل يدها وتقولها ارضى عنى وانا اعمل اى حاجه طبعا الا معصيه ربنا وعلى حد علمى ان الام لا يطلق عليها أما اذا طلبت من ابنها ان يفعل شيئا يغضب الله لانها بالتلى تتخلى عن صفة من صفات الامومه وهى حبها لابنائها
عارف انتى لو راضى امك مش هتكون بس طاعه لربك لا هتلاقى فوايد كتير فى الدنيا قبل الاخره ممكن اطلب منك طلب ممكن بعد ما تخلص قراءة الموضوع ده تروحلها وتبوس ايديها وتترمى فى حضنها وتقولها ارضى عنى متقلش انا كبرت او انا خزيان او او او لا مفيش عذر عارف انت لو جربتها مش عاوز اقولك انت ممكن تدمنها عادى الادمان ممكن يكون لحاجه حلوة بجد احساس جميل خالص هتحس بيه.
كلام جميل بس عارف انه فيه بعض الناس بيقولى هى امى دى ام والعياذ بالله . عفوا ممكن اقوله انت حمار اسف فى اللفظ بس لانه فعلا كده لانه مش شغل دماغه لانه لو شغله كان عرف انه الام مهما حصل استحاله تكون عاوزه ان يكون زعلان او خيبان او اى حاجه وحشه بالعكس مفيش ام عاوزه ابنها الا ان يكون احسن البشر واحسن الناس كلهم . يمكن فى اختلاف فى طريقه التفكير والطريقه فى التعامل بس كن على يقين ان امك بتحب ابناءها اكتر من نفسها لانهم جزء منها ومحدمش ميحبش نفسه .
المهم انا مش هتكلم كتير لان مفيش حد مش عارف مقدار الام انا بس حبيت اذكر واقول رساله الحق امك وهى معاك علشان متندمش لو فقدتها وساعتها مش هينفع الندم.
الرساله التانيه
للانسان اله ربنا اصابه بفقدان الام ان اقول له اصبر عسى ان يكن هذا هو سبب دخولك الجنه . فاصبر وكن بارا بها واكثر من الدعاء لها واعمل حتى يجمعكم الله على خير يوم القيامه .
اما فى الدنيا فلا تحزن وتقولى امى ضاعت وضاع كل شى لا, نعم بالفعل الام لا تعوض ولكن انظر حولك وكن على يقين انك لو اخلصت فى حبك لامك والعمل على ما كان يرضيها فاعمل ان الله سيكرمك .
الله اعلم فمن الممكن ان يرزقك الله بالزوجه التى تكون لك أما وزوجه , او يرزقك بالاخت او بالخاله او بالعمه ولا عجب والله من الممكن ان يكون اكثر من أم كاصدقاء والدتك او امهات اصدقاءك .
اعلم ان الرساله الثانيه من الممكن ان تكون خياليه لان الام مهما حصل لا تعوض ولكن كن على يقين بالله وستجد العوض موجود باذنه .
وادعوا الله ان يحفظ امهات المسلمين وان يعيننا على رضاءه ورضاهم
وفى النهايه انا لا انسى الاب لاننى باذن الله ساوجه رساله للاب ولكن فى وقت قريب باذن الله .
ختاما اسالكم الدعاء لامى بالرحمه والمغفرة (الله ارحم امهات المسلمين واسكنهم فسيح جناتك).